3 વર્ષમાં 3 વખત વધી જ્હોન અબ્રાહમની કિંમત, ‘એક વિલન રિટર્ન્સ’ની ફી સાંભળીને ચોંકી જશો

જ્હોન અબ્રાહમને બોલિવૂડના સૌથી શક્તિશાળી અને જબરદસ્ત એક્શન હીરોમાંથી એક ગણવામાં આવે છે. તેની છેલ્લી ફિલ્મ સત્યમેવ જયતે 2 ભલે ફ્લોપ રહી હોય પરંતુ તેની તેની ફી પર કોઈ અસર થઈ નથી, તેના બદલે તે વધુ ફી વસૂલી રહ્યો છે. જોન અબ્રાહમે ફિલ્મ એક વિલન રિટર્ન્સ માટે 21 કરોડ રૂપિયા ચાર્જ કર્યા છે.

જ્યારે અગાઉ તેણે શાહરૂખ ખાન સ્ટારર ફિલ્મ પઠાણ માટે 20 કરોડ રૂપિયા ફી લીધી હતી. જ્હોને સત્યમેવ જયતે અને બાટલા હાઉસથી તેની ફી વધારવાની શરૂઆત કરી. આ રોગચાળા દરમિયાન કેટલાક સ્ટાર્સની ફીમાં ઘટાડો થયો છે, જ્યારે છેલ્લા ત્રણ વર્ષમાં જ્હોનની ફીમાં ત્રણ ગણો વધારો થયો છે.

બોલિવૂડ હંગામાના અહેવાલ અનુસાર, એક સૂત્રએ જણાવ્યું કે, “જ્હોન સતત તેની ફીમાં વધારો કરી રહ્યો છે. જ્હોને બાટલા હાઉસ માટે સત્યમેવ જયતે 2 કરતાં વધુ ફી લીધી હતી, પછી સત્યમેવ જયતે 2 માટે પણ ફી વધારી દીધી હતી. તે જ સમયે, તેણે પઠાણની ફી પણ વધારી દીધી હતી અને હવે એક વિલન રિટર્ન્સની ફી પઠાણ કરતા વધુ છે. છેલ્લા ત્રણ વર્ષમાં જ્હોનની ફી 7 કરોડ રૂપિયાથી વધીને 21 કરોડ રૂપિયા થઈ ગઈ છે.

જ્હોને જે ફિલ્મોમાં ફી વધારી છે એટલે કે પઠાણ અને એક વિલન રિટર્ન્સ, તે બંને ફિલ્મોમાં તે વિલનની ભૂમિકામાં જોવા મળશે. ‘એક વિલન રિટર્ન્સ’માં જ્હોન ઉપરાંત અર્જુન કપૂર, દિશા પટણી અને તારા સુતારિયા લીડ રોલમાં જોવા મળશે. એટલે કે, એકંદરે હવે આપણે જ્હોનને એક પછી એક જબરદસ્ત એક્શન ફિલ્મોમાં જોવાના છીએ.

Leave a Reply

Your email address will not be published. Required fields are marked *